Fortuna
Un impulso de vida.
Nacemos en coiros,
sen nada chegamos ó mundo.
A vida agasállanos vida,
alimentámonos de soños.
O paso efémero da existencia,
a nosa marca,
o amor queda.
A lembranza. Sempre.
Somos o sino que se escribe
en letras de ouro.
Os nosos pasos, contados.
Unha crónica.
O azar, xoga coa nosa existencia.
Inmolámonos, volvemos a nacer cada día,
caémonos, volvémonos a erguer.
A vida abrirase paso entre as sombras.
A esperanza morta será vida.
Ama, sempre ama.
Ama e fai o que queiras.
Neste mundo o noso conto
é una fábula. O mundo xira.
Somos azar. Somos fortuna.
Comentarios
Publicar un comentario